ტრენინგის IX დღე

     დღეს პრეზენტაციების წარდგენის დღე იყო. წარვადგინე ჩემი პროექტის გეგმა თემაზე მარიტა-უცოდველი მშვენიერების პიროვნული ტრაგიზმი და აღვწერე მისი თანამიმდევრობა შაბლონის მიხედვით. თუ როგორ იკვლევენ მოთხრობის მთავარი სათქმელის უკეთ გასაგებად მოსწავლეები  "მარიტაში"   განხილულ თემებსა და პრობლემებს და უკავშირებენ თანამედროვე ეპოქის პრობლემებს.
     შემდეგ პრეზენტაცია წარადგინა რუსუდან ჩაჩანიძემ თემაზე კულტურული შოკის არიდება ტურიზმის განვითარებისათვის და ეროვნული თვითმყოფადობის შენარჩუნება თანამედროვე გლობალიზაციის პირობებში. ირმა გერლიანმა ისაუბრა ცხოველების დაცვის შესახებ ბორჯომ-ხარაგაულის ტყეპარკში. ნატო შათირიშვილმა გაგვაცნო ოქროს კვეთის არსის გასაგებად დაგეგმილი პროექტი.  ქეთევან ყიფიანმა ელექტრონული წიგნის შექმნის პროექტი წარადგინა, ისაუბრა, როგორ განუვითარებს ეს პროექტი მოსწაავლეებს  კომპიუტერულ უნარ-ჩვევებს. ია ვეფხვაძემ წარადგინა პროექტის გეგმა მსოფლიო კულტურასა და ქართული ტრადიციებზე. მაია ლაცაბიძემ ისაუბრა პროექტის გეგმაზე, რომელიც სხვადასხვა ქვეყნების ეროვნული დღესასწაულის გაცნობას ეხება, კერძოდ კი ა.შ.შ-ს ეროვნულ დღესასწაულს მადლიერების დღეს. ნინო ჩხეიძის პროექტი ეხებოდა საზომ ერთეულებს, რა სახელები ჰქონდათ მათ ადრე და რა ჰქვიათ დღეს.მერი ღამბაშიძემ გააკეთა პრეზენტაცია ნარჩენების გადამუშავებაზე , თუ რა ზიანი შეიძლება მოუტანოს ნარჩენებმა გარემოს და როგორ უნდა მივიღოთ ნარჩენებისგან სასარგებლო პროდუქტი. ფატი ღამბაშიძე პროექტით მოსწავლეებს ასწავლის სხვადასხვა მინერალური და სასმელი წყლების შემადგენლობას და სასარგებლო თვისებებს. ყველა პრეზენტაცია ძალიან მომეწონა, ყველა თავისებურად სასარგებლო და საინტერესოა.
      პრეზენტაციების შემდეგ დავუწერე კომენტარები ყველა გამომსვლელს.ტრენინგმა ჩემი სურვილი მცოდნოდა უფრო მეტი ვიდრე გუშინ გაამართლა. ნაყოფიერი იყო ტრენინგის მთლიანი კურსი. მადლობა ტრენერს მანანა კვინიკაძეს თავისი პროფესიონალიზმისათვის და გულისხმიერებისათვის.ყველა მონაწილეს და ქალბატონ მანანას ვუსურვებ წარმატებებს.

ტრენინგის VIII დღე

               გავიარეთ მეშვიდე მოდული. ვისწავლეთ ფასილიტაცია ტექნოლოგიების გამოყენებით. გავიმეორეთ შესწავლილი მასალა, გადავხედეთ პროექტის გეგმას, ვისწავლეთ გუგლ-ფორმების შექმნა, შევქმენით  კითხვარი ონლაინ გამოკითხვისთვის. გადავხედეთ პორტფოლიოს და შევამოწმეთ მისი სისრულე, ვისწავლეთ დოკუმენტების დრაივზე ერთი საქაღალდიდან მეორეში  გადატანა. კითხვარი დავდეთ ბლოგზე.

ტრენინგის VII დღე

  განვიხილეთ ერთმანეთის პროცედურები.გავიარეთ VI მოდული. ვისწავლეთ ბლოგზე ახალი გვერდების დამატება. დავდეთ ჩვენი შექმნილი პროექტის პორტფოლიო ჩვენს ბლოგზე. გავეცანით დიფერენცირებული სწავლების ხერხებს, პრეზენტაციას გარდნერის მრავალმხრივი ინტელექტის თეორიის შესახებ და შევქმენით ინტელექტის მქონე მოსწავლეების თვითშეფასების ფორმა და ხარაჩო.

ტრენინგის VI დღე

     გავიარეთ მე-5 მოდული. ვისწავლეთ დრაივზე დოკუმენტების გაზიარება. განვიხილეთ გაკვეთილზე გამოყენებული თვითშეფასების რეფლექსია.შეფასების დაგეგმვის ცხრილი, შეფასების გეგმის კრიტერიუმების ჩამონათვალი, შეფასების დაგეგმვა, მეტრული გაზომვის სიგიჟე და ყველაფერი ეს მოვარგეთ მოსწავლის ნაშრომებს. 

ტრენინგი V დღე

    გავეცანით მესამე და მეოთხე მოდულს. მესამე მოდულში გავეცანით საავტორო უფლებებს და ვისწავლეთ ისინი, ასევე შევქმენით გამოყენებული ლიტერატურის ნიმუში.  მეოთხე მოდულში ვისწავლეთ მოსწავლის ნიმუშების შექმნა, კეძოდ, გავაკეთეთ პრეზენტაცია მოსწავლეების ნაცვლად.

ტრენინგის IV დღე

    გავეცანით შეფასების ხუთ მიზანს, მეორე მოდულის მესამე აქტივობიდან.

   

განმავითარებელი შეფასებებსშეფასების მიზანი:

• მოსწავლეთა საჭიროებების შეფასება

• თვითრეგულირებისა და თანამშრომლობის ხელშეწყობა

• პროგრესის მონიტორინგი

• ნასწავლის გააზრების შემოწმება და მეტაკოგნიტური აზროვნების ხელშეწყობა

განმსაზღვრელი შეფასებასშეფასების მიზანი:

• მასალის გაგებისა და ამა თუ იმ უნარ-ჩვევის ათვისების ხარისხის შემოწმება სტანდარტთან შესაბამისობით

    შევავსეთ შეფასების გეგმა, კერძოდ შეფასების დროის ჩარჩო სადაც შევიტანეთ ის მეთოდები და ინსტრუმენტები, რომელიც უნდა გამოვიყენოთ პროექტის დასაწყისში, პროექტის განმავლობაში და მისი დასრულების შემდეგ.
   ასევე დავწერეთ შეფასების ინსტრუმენტების მოკლე მონახაზი, აქ მოკლედ აღვწერეთ ჩვენს მიერ შერჩეული აქტივობების შინაარსი.
   შემდეგ შევქმენით მოსწავლეთა საჭიროებების შესამოწმებლად "ვიცი-მინდა ვიცოდე-ვისწავლე" დიაგრამა. 

    ვისწავლეთ google drive -ში საქაღალდეების , ფაილების ატვირთვა.

   

ტრენინგის III დღე

   დავწერეთ პროექტის სასწავლო მიზნები და შედეგები, განახლებული ბლუმის ტაქსონომიის დახმარებით და მოვარგეთ შინაარსობრივი სტანდარტები და ინდიკატორები ჩვენს პროექტს.
   ვისწავლეთ მიმართულების მიმცემი საკვანძო კითხვების შედგენა და დავწერეთ ჩვენი პროექტისთვის კითხვები, რომლებიც დაეხმარებათ მოსწავლეებს პროექტის განხორციელების პროცესში.

ტრენინგის I დღე

    გავეცანით ერთმანეთს,  მივიღეთ ინფორმაცია კურსის შესახებ და ვისწავლეთ Viewer-ის გამოყენება. შევქმენით პორტფოლიო, გავეცანით  პროექტის გეგმას "რომეო  და ჯულიეტა", ასევე პროექტის მახასიათებლების ჩეკლისტს და პორტფოლიოს ჩეკლისტს.

 ტრენინგის II დღე

    მოვისმინეთ საპროექტო იდეები და დავიწყეთ გეგმის შაბლონის შევსება, დავწერეთ პროექტის თემის მონახაზი და პროექტის თემის შინაარი, ამოვიღეთ ეროვნული სასწავლო გეგმიდან შინაარსობრივი სტანდარტები და ინდიკატორები, აქვე მივაბით 21-ე საუკუნის უნარ-ჩვევები. შემდეგ შევქმენით პროექტის ბლოგი. ბოლოს გავეცანით ბუკლეტის შაბლონს და ვისწავლეთ მისი გაფორმება ფოტოებითა და ტექსტებით.